Alfonso Costa 1

Alfonso Costa Beiro

Pintura e gravado conforman a maior parte da produción artística de Alfonso Costa. A influencia do surrealismo, da obra de Yves Tanguy coas súas paisaxes imaxinarias e seres estraños, están presentes neste gravado. Realizado cunha soa tinta de cor maxenta, o protagonista é unha figura humana, sen cabeza, que sitúa sentada nun espazo irreal, onírico e deforme -selo característico do autor e que revela outra das súas influencias: as imaxes desfiguradas, enigmáticas de Bacon-. É preciso sinalar a súa gran destreza técnica para o debuxo, sobre a que asenta a súa obra gráfica; co debuxo non só estrutura a base da obra, senón que lle permite tamén dar intensidade ás sombras, e crear o volume e a contorna da silueta da figura. Asinado no ángulo inferior dereito. No lado esquerdo, o número de tirada: 9/25

Ficha técnica

Número de referencia: IBC0000789
Autoría: Alfonso Costa Beiro
Título: Alfonso Costa 1
Temas: 
Onírico
Técnicas: 
Gravado
Dimensións: 
Alto: 30,5 cm Longo: 28 cm Sen marco Alto: 42 cm Longo: 40 cm Ancho: 1 cm
Materiais: 
Papel