Antonio Novo Campelo

Elvira Santiso
José Manuel García Iglesias

Antonio Novo Campelo (1878-1948), nomeado en 1910 catedrático de Terapéutica da Universidade de Santiago, foi decano entre 1931-1936 e 1941-1948 (Vid. Gurriarán, Otero Costas, García Iglesias, 2014). O seu retrato leva a sinatura de Elvira Santiso. Ademais da medalla propia de doutor, óptase por mostrar outras distincións. Aparece distinguido como Comendador (Saada) da Orde da Medhauia e, á esquerda desta, a de Comendador de Instrución Pública de Portugal e, ao pescozo, o colar de Comendador da Orde de Afonso X o Sabio. Neste caso, utilízase a muceta e o bonete co amarelo propio de Medicina para presentar o persoeiro. Ábrese deste modo unha forma de presentar os decanos que será máis ou menos seguida en bastantes casos posteriores.

A. Franco Grande, 2014: A. Franco Grande, La medicina compostelana (1847-1950), Santiago de Compostela, Andavira Editora, 2014.

X. A. Fraga Vázquez, 2011: X. A. Fraga Vázquez, “Antonio Novo Campelo”, en Real Academia de la Historia, Diccionario biográfico electrónico, https://dbe.rah.es/biografias/34498/antonio-novo-campelo, 2011.

J. M. García Iglesias, 2016: J. M. García Iglesias, Minerva, la Diosa de Compostela. Espacios y obras a relacionar con el saber, Santiago de Compostela, Andavira Editora e Consorcio de Santiago, 2016.

M. Gómez Novoa, 2010: M. Gómez Novoa, “Elvira Santiso García. Artista e docente de vocación e extraordinarias dotes creativas”, en Álbum de mulleres, Consello da Cultura Galega, http://culturagalega.gal/album/detalle.php?id=209, 2010.

R. Gurriarán, X. Otero Costas e J. M. García Iglesias, 2014: R. Gurriarán, X. Otero Costas e J. M. García Iglesias, A galería de decanos da Facultade de Medicina, Santiago de Compostela, Universidade de Santiago de Compostela, 2014.

R. Sisto Edreira, 2012: R. Sisto Edreira, “Antonio Novo Campelo. Especialista en hidroloxía reumática e en farmacoloxía experimental e terapéutica”, en Álbum da Ciencia, Consello da Cultura Galega, http://culturagalega.gal/albumdaciencia/detalle.php?id=329, 2012.

Ficha técnica

Número de referencia: IBC0000385
Autoría: Elvira Santiso
Título: Antonio Novo Campelo
Temas: 
Retrato
Masculino
Data: 1940
Técnicas: 
Óleo
Dimensións: 
Alto: 91,5  Ancho: 79 cm  Fondo: 4 cm
Materiais: 
Lenzo
Localización: Facultade de Medicina
Antonio Novo Campelo
Elvira Santiso
Facultade de Medicina
retrato
Obras relacionadas
varelademontes
Vítor de José Varela Montes
Elvira Santiso
1940

Este vítor dátase en 1940. É obra da pintora Elvira Santiso. Na súa composición cabe valorar tres partes: un retrato, unha ambientación complementaria e un epígrafe. No relativo ao retrato de Varela de Montes (1796-1868), está disposto na parte alta e media, nun marco ovalado rodeado de loureiro. Copia, nas súas formas, o realizado por Dionisio Fierros. Baixo o retrato pode verse unha disección anatómica que evoca a representada na propia Facultade de Medicina á que se fai, así, referencia, así como aos seus estudos, mostrando libros, apuntamentos e recipientes utilizados para a atención médica. O epígrafe disponse, como é común, na parte inferior.

1940
fernandeznovoaaramburu
Carlos Fernández-Nóvoa Rodríguez
Manuel Aramburu Núñez

Retrato de Carlos Fernández-Nóvoa Rodríguez, catedrático de Dereito Mercantil e decano de 1968 a 1971. Asinado no ángulo inferior esquerdo.
curalendoubeda
Cura lendo
Rafael Úbeda Piñeiro

No primeiro plano desta obra, transcorre a repousada escena do cura rural lendo mentres pasea, nun marco paisaxístico excepcional que pecha o fondo. Así, tralo párroco vemos un primeiro telón arquitectónico, de murallóns e casas, de definidos volumes xeométricos e tras elas un segundo telón, esta vez de altas montañas, facetadas en planos xeométricos, nos que se expón unha ampla gama cromática de verdes. Asinado no a.i.d. "R. Úbeda"
Espacio Un
Espazo un
Mª Covadonga Valdés Aguirre
1993

Asinado a. i. d. Accésit Premio Malvar 1993

1993