Bandexa de prata para votacións

Autoría descoñecida

Bandexa ovalada de prata sobredourada. utilizada antigamente para as eleccións do Claustro. A peza posúe un perfil ondulado e mixtilíneo co perfil moldurado e levemente ergueito. Toda a superficie do fondo aparece profusamente decorada con concavidades con rosetas xunto a motivos vexetais, flores e grilandas, que se entrelazan entre elas, de forma asimétrica, pero cunha disposición rítmica. No centro, repuxado en relevo, destaca o escudo da Universidade de Santiago. O horror vacui, a asimetría, os motivos vexetais, as rocallas da parte inferior, as formas en ril e sinuosas que orlan o escudo, son todas características da ourivaría rococó.

Ficha técnica

Número de referencia: IBC0000220

Autoría: Autoría descoñecida

Título: Bandexa de prata para votacións

Temas:

Decoración vexetal

Data: 1701

Técnicas:

Orfebrería

Sobredourado

Dimensións:

Alto: 60 cm Longo: 39,5 cm Ancho: 2,5 cm

Materiais:

Ouro

Prata

Localización: Colexio de San Xerome Reitoría

Obras relacionadas

Estampa mariña

Palmero

1970

Representa unha vila de mar. Barcos en primeiro plano e casa no fondo. O autor utiliza cores terras e azuis; traballa a textura a base de espátula.

Cuzco. Igrexa de Santo Cristo e Inquisición

Miguel Oursantzo

1950

Vista dos tellados dunha cidade, entre eles unha igrexa. Non está asinado. Inscrición na parte inferior do passpartout, practicamente perdida: "Cuzco. Perú. Iglesia Santo Cristo (derecha) e Inquisición (centro)"

Juan Viaño Rey

Vicente Prego

2019

Juan Viaño, nacido en San Verísimo de Sergude (Boqueixón, A Coruña) en 1955, foi reitor entre os anos 2014 e 2018. É o pintor Vicente Prego (A Coruña, 1957) quen constrúe este retrato partindo da conxunción de dous espazos: un, interior, e outro, exterior. En primeiro lugar, o retratado preséntase nunha estancia; móstrase de pé, co traxe académico de gala. Terma nas súas mans dun libro: as actas do XXV International Congress of Mathematicians (ICM). No andel que pode verse ao carón, hai, ademais de libros, tres obxectos alusivos, tamén, á ciencia matemática: unha buguina mariña, directamente conectada coa espiral e a sucesión de Fibonacci que, á súa vez, teñen unha íntima relación co número de ouro e a proporción áurea ou proporción divina que define o compás áureo. Ábrese o espazo, cara a outro, exterior, mediante unha xanela pola que se pode ver o Pico Sacro, tal como se contempla desde ese Sergude natal, tan sentido, e tan vivido, polo reitor Viaño.

Grupo de xente

Alfonso Sucasas Guerra

Nunnha escena case en penumbra, Sucasas presenta un grupo de xente que vai en procesión; as figuras, case todas mulleres agás un neno, visten de negro e apenas se distinguen os rostros dos que discorren en último termo xunto co neno que reciben unha maior iluminación. Son figuras expresionistas nas que o autor segue unha liña que pasaría desde Goya a Laxeiro pasando polo expresionismo xermano. Na marxe inferior dereita vemos un selo que dí: "Schollers Hammer"(69). Asinado no a.i.d. Comprado á Galería Citania en1981.