Busto de Fructuoso de Ribera

Luis Cantú

Busto en bronce fundido e peaña de madeira. Representa a don Fructuoso Ribera, militar e político uruguaio. O busto foi custeado por subscrición popular, baixo a iniciativa da Comisión Protectora de Montevideo. Laura Carrera de Bastos, presidenta da Comisión Pro-Acercamiento Intelectual Iberoamericano, realiza xestións ante o Partido Colorado e o Club Rivera de Uruguai para sufragar o envío do busto a Santiago a onde chegou pouco antes de 1926. Na fronte e no lateral esquerdo, gravado o nome do autor Luis Cantú. Placa metálica co nome do homenaxeado: "Br. Gral. Fructuoso Rivera/Nació en 1788 - + 13-I-1854", e outra cos nomes dos doantes.

Ficha técnica

Número de referencia: IBC0000342

Autoría: Luis Cantú

Título: Busto de Fructuoso de Ribera

Temas:

Conmemorativo

Retrato

Técnicas:

Fundición

Varredura

Dimensións:

Alto: 64 cm Ancho: 49 cm Fondo: 29 cm Alto: 119 cm Ancho: 39,5 cm Profundidade: 40 cm (pedestal madeira)

Materiais:

Bronce

Localización: Colexio ou Pazo de Fonseca

Obras relacionadas

Busto de Manuel Oribe

Luis Cantú

Busto de don Manuel Oribe (Montevideo 1796- 1857). Enviado pola Comisión Pro-Acercamiento Iberoamericano de Montevideo. Foi Manuel Rodríguez, delegado desta comisión no departamento de San José, quen promoveu a subscrición entre os monagatos para custear gastos. Xa dende 1913 esta comisión informara que este busto ía ser enviado xunto con outros seis. En 1918 as maquetas xa estaban concluídas. Enviouse á Biblioteca probablemente despois da data de inauguración oficial en 1926. Ten dúas placas, unha co nome do homenaxeado: "Cap. Don Manuel Artigas/ + en San José- 25 de Abril-1811", e outra cos nomes dos doantes e o escudo do Paraguai. Autor: Luis Cantú, sobre soportes de Ambrosio R. Risso.

Busto de Manuel Artigas

Luis Cantú

1811

Busto de bronce de Manuel Artigas. Enviado pola comisión "Pro-Acercamiento Iberoamericano" de Montevideo. Foi Manuel Rodríguez, delegado desta comisión no departamento de San José, quen promoveu a subscrición entre os monagatos para custear gastos. Xa desde 1913, esta comisión informara que este busto ía ser enviado xunto con outros seis. En 1918, as maquetas estaban xa concluídas. Enviouse á Biblioteca probablemente despois da data de inauguración oficial en 1926. Autor: Luis Cantú, sobre soportes de Ambrosio R. Risso.

Carlos Fernández-Nóvoa Rodríguez

Manuel Aramburu Núñez

Retrato de Carlos Fernández-Nóvoa Rodríguez, catedrático de Dereito Mercantil e decano de 1968 a 1971. Asinado no ángulo inferior esquerdo.

Cura lendo

Rafael Úbeda Piñeiro

No primeiro plano desta obra, transcorre a repousada escena do cura rural lendo mentres pasea, nun marco paisaxístico excepcional que pecha o fondo. Así, tralo párroco vemos un primeiro telón arquitectónico, de murallóns e casas, de definidos volumes xeométricos e tras elas un segundo telón, esta vez de altas montañas, facetadas en planos xeométricos, nos que se expón unha ampla gama cromática de verdes. Asinado no a.i.d. "R. Úbeda"