Concerto

Xaime Quessada

Xaime Quessada aborda neste gravado un tema mitolóxico, un mundo de mitos e lendas no que as ninfas eran cortexadas por faunos en paisaxes oníricas. Nun ambiente bucólico, o artista constrúe unha escena na que un grupo formado por dúas mulleres e un home escoitan a un efebo que toca unha frauta dobre. Tecnicamente o gravado reflexa o virtuosismo do autor co debuxo ao perfilar nitidamente as figuras, recordando a pintura das cerámicas gregas, pero tamén a obra de Picasso, que sería unha constante influencia ao longo da súa carreira. A obra está asinada no revés, no ángulo inferior esquerdo dentro da prancha, e fóra no ángulo dereito. Asinado no a.i.e. "Quessada 1984"

Ficha técnica

Número de referencia: IBC0000254
Autoría: Xaime Quessada
Título: Concerto
Temas: 
Mitolóxico
Data: 1984
Técnicas: 
Gravado
Dimensións: 
Plancha: 24,5 x 32,5 cm Passpartout : 32,5 x 40 cm Marco: 51 cm x 59,5 x 2,5 cm
Materiais: 
Papel