Figuras

Xosé Ramón Morquecho Barral

Nova figuración de influencia expresionista. Na produción pictórica de Morquecho, a figuración adquire unha carga que reflicte certa sensación de sufrimento e tristeza. Nesta obra, Morquecho presenta a un grupo de nove persoas tratadas colectiva e non individualmente, amosando nos seus rostros eses sentimentos; as sitúa nun interior, un espazo apenas definido, sombrío e escuro, case en penumbra que contribúe a aumentar esa sensación de inquedanza. Son obras de raíz expresionista na que o autor se serve dunha paleta cromática apagada, coas contornas grosas en negro e trazadas dun xeito rápido e vigoroso. Asinado a. s. e.

Ficha técnica

Número de referencia: IBC0000437
Autoría: Xosé Ramón Morquecho Barral
Título: Figuras
Temas: 
Retrato
Grupo
Data: 1979
Técnicas: 
Óleo
Dimensións: 
Alto: 147,5 cm Ancho: 116 cm
Materiais: 
Lenzo
Localización: Facultade de Dereito