Isabel II

Retrato dun rei (que podería ser Fernando VI) de formato ovalado, de medio corpo con banda en cor azul celeste cruzándolle o peito ademais dun colgante de pedras preciosas como atributo da súa categoria. Pola súa vestimenta e peiteado pode datarse cronoloxicamente. Asinado no ángulo inferior dereito.

Pintura retrato do rei Carlos I de España e V de Alemaña, en formato ovalado pero enmarcado en rectangular, de medio corpo, coa cabeza lixeiramente xirada cara a dereita, a vestimenta informal pero leva un colgante como atributo do seu estatus. As características responden a unha pintura académica e tradicional.

Retrato oficial do rei Afonso XII, de pé e en algo máis de tres cuartos. Viste uniforme militar de garda e leva no peito a banda da Real Orde de Carlos III e amosa no pescozo o colar do Toisón de Ouro. A rica coroa sobre unha almofada de veludo insiste na real condición do retratado. O autor xoga cos contrastes de cor que son potenciados pola iluminación. Asinado no ángulo inferior dereito, "Dº. Fierros/1875"

En 1880 dise sobre este retrato que “…, se conserva en el salón principal de la Biblioteca de Santiago, al frente de donde se encuentra colocada la bandera que condujo a los campos de batalla al famoso batallón de los Literarios de Compostela”. Píntao Dionisio Fierros en 1857 durante a súa primeira estadía en Santiago entre 1855 e 1858. Está na liña de tantos e tantos retratos oficiais que realiza por este momento. Preséntase en pé, co seu uniforme de gala e distinguido por un gran número de condecoracións -contaba coas grandes cruces das ordes de Isabel a Católica, Carlos III, San Hermenexildo e da Torre e Espadas de Portugal (1834)-, coa súa man dereita apoiada nunha mesa e un cortinado engalanando ao fondo. Acompáñao un extenso texto alusivo ao personaxe.