Manancial da paisaxe

Nolo Suárez

A figura de Nolo Suárez supón unha renovación á temática da paisaxe galega, principalmente dos elementos terra e auga como orixe da vida, a partir da década dos 80 a través da súa técnica peculiar que lle confire á obra un aspecto acuoso configurando o resultado final a través da acción do propio proceso pictórico. Ante un fondo no que predominan as tonalidades pasteis (azuis e amarelas), o autor salpícao con distintos elementos: unha árbore grande e tres máis pequenas colocadas en liña, unha folla e un arbusto. Todo unido por manchas de cores brancas en espiral e ondulantes, ou verdes que seguen unha liña curva que se converten en signos de identidade do autor.

Ficha técnica

Número de referencia: IBC0000664
Autoría: Nolo Suárez
Título: Manancial da paisaxe
Temas: 
Paisaxe
Data: 1993
Técnicas: 
Mixta
Dimensións: 
Carece de marco Alto: 60 cm Longo: 80 cm
Materiais: 
Táboa