Medalla conmemorativa

Medalla conmemorativa pertencente ao legado de Gumersindo Busto. No anverso: en primeiro plano, escena da batalla de San Lorenzo; en segundo plano, arquitectura eclesiástica; na zona inferior e superior, decoracións con vexetais de loureiro; na zona superior, a inscrición: 1813/3 de febrero /1913; na zona inferior, a inscrición: SAN MARTÍN/TRAZA CON SU ESPADA LA LIBERTAD DE AMÉRICA/BAIGORRIA LA RÚBRICA CON SU LANZA/CABRAL LA SELLA CON SU SANGRE. O reverso representa a José de San Martín, sentado de perfil baixo unha árbore (piñeiro histórico de San Lorenzo), redactando o parte de guerra despois da batalla; na zona inferior, cartela con inscrición: HOMENAJE AL PRIMER CENTENARIO DEL COMBATE DE SAN LORENZO1813-1913.

COLECCIÓN ETNOGRÁFICO-CONMEMORATIVA BIBLIOTECA AMÉRICA

Cicel de esquisto tallado e pulimentado procedente da mámoa da Lagoa - Rechaba (Tordoia - A Coruña). Pertence á colección “Rechaba” (conxunto depositado por R. Penedo, Mª Luisa Pérez, C. Llana e J.A. Huertas) dos fondos arqueolóxicos da Facultade de Xeografía e Historia.

Xunto a unha vertente primitiva que bebe da tradición autóctona galaica, Vidal Abascal desenvolve outra vía que atopa as súas raíces no expresionismo de Nolde ou Ensor; así atopámonos dúas figuras, unha de elas de costas e agachada, e a outra de pé, xuntando as mans e xirando a cabeza como se estivese a mirar a outra muller. Son figuras robustas e sólidas que destacan nitidamente sobre o fondo vermello, expresivas; destaca a esaxeración na representación das mans e dos pés. Tecnicamente, Vidal Abascal emprega pinceladas largas e vibrantes, moi empastadas e cheas de luz. Asinado no ángulo superior dereito.

José Manuel García Iglesias / Silvia Hermida Sánchez

Xurxo Martiño, un artista conceptual pertencente á nova xeración de pintores composteláns que na década dos noventa se decantou por pintar paisaxes urbanas e faros a través dunha pintura matérica, resaltada con diferentes escalas de cor, pigmentos e texturas. Con esta técnica, e grazas á utilización dunha gama cromática que oscilou entre os brancos, os azuis e os negros, o pintor conseguiu producir grandes efectos de luz e sombra.