Medalla conmemorativa do centenario do combate de San Lorenzo (1813-1913)

Medalla conmemorativa que pertence ao legado de Gumersindo Busto. No anverso: escudo arxentino; debaixo, a inscrición: EL PUEBLO ARGENTINO/EN EL PRIMER CENTENARIO/DE LA/INDEPENDENCIA DEL PERÚ/BUENOS AIRES-JULIO 28 DE 1921. No reverso: escena enmarcada por dúas columnas; na zona superior, imaxe de José de San matín con bandeira na man; rodeado de público, tanto no fondo como en primeiro plano; á esquerda, escudo de Arxentina e, á dereita, emblema provisional peruano. No exergo, a inscrición: EL PERÚ ES DESDE ESTE MOMENTO LIBRE/E INDEPENDIENTE POR LA VOLUNTAD GENERAL DE LOS PUEBLOS/Y POR LA JUSTICIA DE SU CAUSA; QUE DIOS DEFIENDE/LIMA 26 DE JULIO DE 1821/SAN MARTÍN.

COLECCIÓN ETNOGRÁFICO-CONMEMORATIVA BIBLIOTECA AMÉRICA

Cicel de esquisto tallado e pulimentado procedente da mámoa da Lagoa - Rechaba (Tordoia - A Coruña). Pertence á colección “Rechaba” (conxunto depositado por R. Penedo, Mª Luisa Pérez, C. Llana e J.A. Huertas) dos fondos arqueolóxicos da Facultade de Xeografía e Historia.

Xunto a unha vertente primitiva que bebe da tradición autóctona galaica, Vidal Abascal desenvolve outra vía que atopa as súas raíces no expresionismo de Nolde ou Ensor; así atopámonos dúas figuras, unha de elas de costas e agachada, e a outra de pé, xuntando as mans e xirando a cabeza como se estivese a mirar a outra muller. Son figuras robustas e sólidas que destacan nitidamente sobre o fondo vermello, expresivas; destaca a esaxeración na representación das mans e dos pés. Tecnicamente, Vidal Abascal emprega pinceladas largas e vibrantes, moi empastadas e cheas de luz. Asinado no ángulo superior dereito.

José Manuel García Iglesias / Silvia Hermida Sánchez

Xurxo Martiño, un artista conceptual pertencente á nova xeración de pintores composteláns que na década dos noventa se decantou por pintar paisaxes urbanas e faros a través dunha pintura matérica, resaltada con diferentes escalas de cor, pigmentos e texturas. Con esta técnica, e grazas á utilización dunha gama cromática que oscilou entre os brancos, os azuis e os negros, o pintor conseguiu producir grandes efectos de luz e sombra.