Nai e fillo

Manuel Colmeiro Guimarás

Neste gravado, nai e fillo, en tenra actitude, enchen todo o primeiro termo diante dun fondo apenas esbozado e descrito con concisión. O debuxo, limpo e nítido, baséase no perfilamento dunhas formas rotundas e voluminosas. Asinado dentro da prancha no a.i.e., do revés e de dereita a esquerda "m Colmeiro". Fóra da plancha aparece o número de serie no a.i.e: 55/100, e a sinatura no a.i.d. "Colmeiro". Pertencente á mesma serie, existe un exemplar na Colección Caixanova.

Ficha técnica

Número de referencia: IBC0000240

Autoría: Manuel Colmeiro Guimarás

Título: Nai e fillo

Temas:

Maternidade

Data: 1970

Técnicas:

Gravado

Punta seca

Dimensións:

Alto: 62,5 cm Longo: 54,5 cm Ancho: 3 cm (con marco) Alto: 39,5 cm Longo: 31,5 cm (ventá do passpartout) Alto: 32,5 cm Longo: 24,5 cm (prancha)

Materiais:

Papel

Localización: Colexio de San Xerome Reitoría

Colección Contemporánea

Obras relacionadas

Panadeira

Manuel Colmeiro Guimarás

1960

Representa unha muller de medio corpo amasando o pan, sendo esta tarefa un dos temas recorrentes na produción do autor. Concibida cun halo primitivista, polo seu estatismo e pola rotundidade das formas que confire ao labor doméstico unhas connotacións místicas ou lendarias. Rotundidade das formas, que consegue a través dun debuxo tan firme como elemental. Asinado no a.i.d. Comprado á Galería Citania en 1981

Carlos Fernández-Nóvoa Rodríguez

Manuel Aramburu Núñez

Retrato de Carlos Fernández-Nóvoa Rodríguez, catedrático de Dereito Mercantil e decano de 1968 a 1971. Asinado no ángulo inferior esquerdo.

Cura lendo

Rafael Úbeda Piñeiro

No primeiro plano desta obra, transcorre a repousada escena do cura rural lendo mentres pasea, nun marco paisaxístico excepcional que pecha o fondo. Así, tralo párroco vemos un primeiro telón arquitectónico, de murallóns e casas, de definidos volumes xeométricos e tras elas un segundo telón, esta vez de altas montañas, facetadas en planos xeométricos, nos que se expón unha ampla gama cromática de verdes. Asinado no a.i.d. "R. Úbeda"

Espazo un

Mª Covadonga Valdés Aguirre

1993

Asinado a. i. d. Accésit Premio Malvar 1993