Paisaxe

Felipe Criado Martín

Felipe Criado presenta nesta obra unha paisaxe mariña, enmarcada a ambos lados polos perfís do cantil e árbores no primeiro termo e no centro a mar. As tonalidades escuras, grisáceas, predominan nunha paisaxe que logra trasmitir a sensación de soidade, quietude e silencio. Trátase dunha paisaxe mariña utópica, que nos achega ao mundo dos soños. Tecnicamente xoga coa difuminación da pintura, algo que é un selo característico ao longo da súa produción. Asinado no ángulo inferior esquerdo.

Ficha técnica

Número de referencia: IBC0000366

Autoría: Felipe Criado Martín

Título: Paisaxe

Temas:

Paisaxe

Mariña

Data: 1978

Técnicas:

Óleo

Dimensións:

Alto: 88 cm Ancho: 88 cm (marco incluído)

Materiais:

Lenzo

Localización: Facultade de Medicina

Obras relacionadas

Jaime González Carreró

Felipe Criado Martín

1972

Con este retrato de Jaime González Carreró, o pintor Felipe Criado inicia unha galería pictórica dedicada aos decanos de Farmacia. O Colexio Oficial de Farmacéuticos da Coruña asumiu os custes da súa realización. Asinado no ángulo inferior esquerdo "Felipe Criado 1972".

Francisco Bellot Rodríguez

Felipe Criado Martín

1975

Retrato pertencente á galería de decanos da Facultade de Farmacia realizada por Felipe Criado. O Colexio Oficial de Farmacéuticos da Coruña asumiu os custes da súa realización. Asinado no lateral inferior esquerdo: "Felipe Criado/1975".

Con Pablo Sanz Pedrero (1921-2004), que foi reitor entre 1975 e 1978, é cando a Reitoría é situada no antigo Colexio de San Xerome, tralas pertinentes obras de acondicionamento. Tal reutilización deste antigo espazo colexial forma parte dun proceso de ampliación da Universidade galega, tanto en Compostela como no resto de Galicia.

A data do seu retrato, 1978, coincide coa conclusión do seu mandato e faise para estar no Colexio de San Xerome, na súa condición de Reitoría. Está asinado por Felipe Criado. Preséntao sedente, distinguido coa medalla de reitor e, no seu caso, atendendo aos estudos propios da súa cátedra. Os puños da súa toga son de cor morada, correspondente a Farmacia.