Maternidade

Na produción pictórica de Bóveda é habitual a temática de xénero costumista, vinculado a escenas típicas do rural galego e romarías populares. Neste caso, o autor preséntanos a figura dunha muller, unha pandeireteira nunha paisaxe rural. A pincelada empastada aplicada de xeito rápido, a importancia do debuxo na delimitación do perfil das figuras redondeadas e as cores terrosas e verdosas son constantes que se repiten nas súas obras, aquí presentes. Asinado e datado a. i. e.

Nesta obra de grupo, Bóveda plasma fielmente a súa estética vinculada ao rexionalismo galego. Retrata esta familia seguindo un esquema piramidal, no que se inscribe a figura da nai que abraza e suxeita aos seus fillos. Tecnicamente repítense as características dos seu estilo: a rudeza das figuras, dun certo primitivismo, de perfís redondeados e delimitadas cun groso debuxo negro, así como a pincelada dinámica e empastada, cargada de materia. Asinado a. i. d.

Nesta escena costumista, Bóveda representa unha parella popular, na que sitúa o home e a muller ante un fondo dunha paisaxe rural. Están presentes as características do seu estilo: a temática popular galega, a paleta cromática de densas cores de tonos pétreos e verdes propios da paisaxe galega, a pincelada empastada e os volumes redondeados das figuras de perfís perfectamente definidas por medio dun sólido debuxo. Asinado a. i. d. "Bóveda 1986"

Retrato do catedrático de Dereito Procesal don Carlos de Miguel Alonso, que foi decano no período de 1959-1961