Representa a un tolo, de pé, con singulares condecoracións e con peculiares atributos. Nunha man sostén unha rá e na outra porta un estandarte no que leva escrito: "O NARANXO/ Rey do/ mundo/LAXEIRO/70". Inscrición do autor no reverso: "Tolo/O "naranxo"/Sin Termi-/nar/LAXEIRO/Nº 7/ 21-4-69". Comprado á Galería Citania en 1981.

Obra alegórica de Manuel Torres que representa, nunha estrita ordenación en bandas horizontais de arriba a abaixo, as distintas fases dos traballos do campo, desde a semente ata a venda no mercado. 

Un dos múltiples bodegóns realizados por Prego de Oliver, un dos pintores galegos da primeira xeneración da posguerra. Comprado á Galería Citania en 1981.

Obra de madurez de Seoane que representa unha muller de medio corpo inspirada nas campesiñas rurais. Asinada no ángulo inferior esquerdo. Foi doada pola súa viúva, Dª Elvira Fernández López, en 1992.

Mariña ao óleo, asinado no a.i.d. Comprado á galería CItania en 1981.

Obra de Arturo Souto coñecida polos títulos de "Roma" ou tamén "Figura no estanque". Foi mercada pola USC á galeria Citania en1981. Asinada no ángulo inferior dereito: "Souto".

Unha moi persoal concepción dun bodegón ou dunha natureza morta, dentro do universo de Urbano Lugrís. Asinado a. i. d.