Aínda que a obra gráfica de Quessada está fortemente vencellada ao seu compromiso político, aquí encontrámonos cun gravado que ten como protagonista a vila de Betanzos; en concreto, a vista da Ponte Vella -orixinal do século XIII aínda que con remodelacións no século XVI formado por cinco arcos de medio punto- situado por enriba da ría, á beira da cal sucédense as arquitecturas tradicionais da vila. O gravado está feito a base de tonalidades azuis, grisáceas e verdes, e xoga coa técnica para crear a sensación de acuarela, buscando os relfexos na auga. Asinado no ángulo inferior dereito e, debaixo da sinatura, o título da obra. No lado esquerdo o numero de tirada: 41/175.

Da etapa inicial de Luís Seoane é este debuxo no que se representa a dous homes sentados sobre rochas. Trátase dun debuxo de gran sinxeleza pero que serve para amosar a destreza do autor nesta técnica e algunhas características que estarán presentes ao longo da súa produción: a solidez das figuras, a sinxeleza da composición e o gusto polas formas redondeadas, liña curva coa que crea o perfil das figuras. Na parte superior dereita, asinado polo autor e na esquerda, a data.

Dentro da etapa inicial de Seoane inclúese este debuxo no que se representa a dúas mulleres; á dereita, unha muller sentada sobre unha rocha e, á esquerda, outra que parece máis nova, espida con árbores detrás. O tema da muller convertirase na icona da representación de Luís Seoane, como homenaxe á muller campesiña galega. Trátase dun debuxo de gran sinxeleza pero que serve para amosar a destreza do autor nesta técnica e algunhas características que estarán presentes ao longo da súa produción: a solidez das figuras, a sinxeleza da composición e o gusto polas formas redondeadas, liña curva coa que crea o perfil das figuras. Asinado no ángulo inferior esquerdo. No lado dereito, a data.

Gravado que representa unha muller lavando no rio. Tons azuis, verdes e ocres.

Representa o rostro dunha muller con pano na cabeza destacando a cor azul deste e, sobre todo, a dos ollos, xa que o resto resólvese nun cromatismo escuro e apagado (vestimenta negra e fondo gris). A muller, serena, captada cun realismo enérxico, reviste un enigmático atractivo, conferido pola profunda mirada e polo sorriso bosquexado. Asinado na prancha no ángulo inferior dereito. Fóra da plancha, no lado esquerdo, o número de tirada: 64/175 e, no dereito, o título.

Ao longo da produción da obra de Francisco Creo, a temática vinculada á representación de traballos característicos da súa terra é habitual. Neste gravado, o protagonista é un mariñeiro na barca suxeitando o que parece ser un aparello de pesca coas mans. Gran debuxante, perfila con trazo negro a silueta da figura e da barca, e aplica a cor a base de grandes manchas; as tonalidades son cálidas a base de ocres e azuis que contrasta co negro da barca. Asinado no lado dereito. No lado esquerdo, o número de tirada: 115/195.

Realizado na primeira etapa de Luís Seoane é este debuxo no que representa a un vagabundo, un home deitado que apoia o cóbado nunha pedra, ten o bastón diante del, pousado no chan. Trátase dun debuxo de gran sinxeleza pero que serve para amosar a destreza do autor nesta técnica e algunhas características que estarán presentes ao longo da súa produción: a solidez da figura, a sinxeleza da composición e o gusto polas formas redondeadas, liña curva coa que crea o perfil da figura.

Gravado que representa un piñeiro en primeiro plano con paisaxe e arquitectura no fondo. Ao autor, como paisaxista, gústalle ilustrar as árbores, verdadeiras protagonistas das súas paisaxes, que neste caso converte o piñeiro, en practicamente único protagonista. Asinado no ángulo inferior dereito, dentro da prancha. No lado esquerdo, e fóra da prancha, vén indicado o número de tirada: 75/175, e no dereito o título "Pino"

Gravado que representa unha muller de perfil atando unha manda de herba. Asinado no lado dereito. No lado esquerdo, o número de tirada: 32/175.

Gravado que representa tres homes e dúas mulleres traballando na vendima. Recollen a uva e cárgana nun carro tirado por dous bois. É moi característico do autor a representación de temas galegos, neste caso representa os labregos e o seu traballo. Segue a tradición popular coincidindo coa estética do movemento renovador.