A vida é unha avalancha á que nos sometemos é unha obra de Kappeler que reflexa como, dende os seus comezos, se ve influenciado pola escuridade que trae consigo a guerra e que o afectou persoalmente como refuxiado durante a Segunda Guerra Mundial. O contraste intenso entre a penumbra da cor negra e a luminosidade da vida en amarelo tipifican este sentimento agónico da vida do autor. O abstractísimo e as texturas da pintura mestúranse cunha figura difusa semellante a un corpo a través de finas liñas e finais abertos simbolizando o fráxil que é o humano ante a vida.

Representa un detalle do Pórtico da Gloria: dous dos músicos que se dispoñen, afinando os seus instrumentos, no tímpano central. Destaca a impresión de viveza que confire aos personaxes, aspecto acentuado pola vibrante cor e a plasticidade con que se conciben as dúas figuras, transformando a súa existencia pétrea, nunha existencia viva e real. Asinado a. i. d. "Berta Cuña" Doado pola autora en setembro de 2003.

Natureza morta que representa unhas mazorcas dentro dunha cesta. Asinado a. i. d. "M. Caamaño". Doado pola autora en setembro de 2003.

Paisaxe coa vexetación ordenada en franxas horizontais, cunha liña de fuga marcada, cara o lateral esquerdo do cadro. Asinado a. i. d. "M. Caamaño", Doado pola autora en setembro de 2003.

A temática costumista galega é a que predomina na produción artística de Clara F. Marín, na que a figuración é a protagonista. Presenta unha obra titulada Peixeiras, unha paisaxe marítima, na que as protagonistas son estas mulleres que están a traballar nas tarefas do campo: unhas reparando as redes e outras coa patela na cabeza levando o peixe. Son figuras monumentais, de formas rotundas, pesadas e volumétricas, concibidas xeometricamente nas súas formas, lixeiramente esquematizadas, sen rostro. Trátase dun tema frecuente polos artistas da renovación da arte galega das primeiras décadas do século XX: Souto, Colmeiro, Seoane ou Maside, autor este último que a influirá especialmente. Clara F. Marín manexa a paleta cromática; esta é unha pintura de cores vivas, expresionistas, con predominio das gamas azuis, verdes e amarelas. Manexa tamén perfectamente a técnica, primando as texturas para destacar as posibilidades expresivas do material, e manexa perfectamente a perspectiva e a captación atmosférica Asinado "Clara F. Marín" no a.i.d. Doado pola autora en setembro de 2003.

Nesta obra de Deflet Kappeler, artista alemán afincado en Muxía, a mestura de técnicas, a explosión de cores e as formas contrastadas marcan a dualidade entre a inmensidade e o frenesí do tempo. Os rostros superpostos co cabelo en movemento dun deles, xunto coas diferentes técnicas do action painting, como o dripping, forman unha obra chea de dinamismo estético. A redución das cores e das estruturas lixeiras crean un marco perfecto para as ideas destrutivas do autor.