Retrato de medio corpo do rei Fernando VI.

Representación oficial da raíña Isabel II, que segue o esquema dos retratos de Madrazo. A raíña aparece representada de medio corpo e acompañada dos emblemas reais: a coroa, á súa dereita, e o cetro, sostido na man esquerda. Ao fondo aparece a cadeira do trono e unha bandeira. En primeiro plano vemos a raíña, onde millor se pode apreciar o gusto do autor polas calidades, o coidado coas teas, as xoias e o toucado, o seu interese pola minuciosidade na reprodución dos detalles, os encaixes, a decoración da cadeira. A vestimenta da raíña en tonos claros centra a nosa mirada na figura da retratada, que destaca sobre ese fondo escuro. Asinado a. i. e.

Obra realista e expresiva na que Bóveda recolle o tema da maternidade ao representar a nai co neno no colo. A súa estética é herdeira da tradición rexionalista galega, de aí as figuras de perfís redondeados e toscos que recordan a imaxes enraizadas no popular. Destaca a expresividade da muller, o dominio do debuxo cun trazo negro e a paleta cromática chea de matices dada cunha pincelada dinámica. Asinado a. s. e.

Na produción pictórica de Bóveda é habitual a temática de xénero costumista, vinculado a escenas típicas do rural galego e romarías populares. Neste caso, o autor preséntanos a figura dunha muller, unha pandeireteira nunha paisaxe rural. A pincelada empastada aplicada de xeito rápido, a importancia do debuxo na delimitación do perfil das figuras redondeadas e as cores terrosas e verdosas son constantes que se repiten nas súas obras, aquí presentes. Asinado e datado a. i. e.

Na Facultade de Filosofía e Letras, alá polo ano 1970, encoméndaselle ao pintor compostelán Manuel López Garabal un cadro dedicado a Rosalía de Castro (Santiago de Compostela, 1837 - Padrón, 1885), quen non só despuntou polo mero feito de ser a muller que en pleno século XIX se revelou na súa faceta de poeta renovadora do xénero na lingua española, suceso por si meritorio, senón por lograr que a lingua galega fose recoñecida de maneira universal, no denominado Rexurdimento Galego.