Debuxo do proxecto da Facultade de Ciencias (actual Química) de Santiago de Compostela; alzado lateral de escala 1/100.

Fotografía en branco e negro na que se representa a construción do axardinamento do Campus Sur, coas columnas do mirador do parque de Santa Susana en primeiro termo.

Fotografía do axardinamento do Campus Sur.

Hernández Quero plasma na súa obra, unha concepción poética da paisaxe, cunha beleza lírica que lle outorga un carácter íntimo e personal. Neste óleo representa a fachada da Facultade de Ciencias de Santiago de Compostela. Capta a vista desde unha ventá, en primeiro termo, na que aparecen apoiados varios libros -un deles de Ciencias, tal como se le no lombo- e un tinteiro cunha pluma e un papel no que aparece a sinatura do autor.

Acuarela da fachada do edificio da facultade de Ciencias, hoxe de Química, da Universidade de Santiago realizada polo autor do proxecto da "cidade universitaria" do campus sur.

Debuxo do alzado principal da Facultade de Ciencias, actualmente de Química, de Santiago de Compostela a escala 1/100.

A Facultade de Ciencias (agora de Química) levántase na chamada “Residencia”. Encoméndaselle a Jenaro de la Fuente (1961). En certo modo, o arquitecto presenta esta portada evocando a do edificio da Universidade, do que proviña o grupo presidido por Minerva, hoxe aquí situado tras ser retirado do seu lugar orixinal e pasar por diferentes espazos. Ten en conta tamén o estilo ao que responde en xeral a urbanización da “Residencia”, tan vinculada á súa persoa. Foi José Ferreiro quen, seguindo o disposto pola Xunta de Obras da Universidade, levou a cabo este grupo escultórico (1803).

Isidro Parga Pondal naceu en Laxe en 1900 e morreu na Coruña en 1986. Desde xaneiro de 2015 contémplase un busto seu na entrada da que foi Facultade de Ciencias. É obra de José Molares (Vigo, 1961), quen o asina e data no ano 2014. Con el relaciónase nesta Universidade a recuperación do laboratorio de Casares e a posta en marcha doutro de xeoquímica así como do Mapa Xeolóxico de Galicia. Foi expulsado en 1936 por razóns políticas -era "esquerdista e galeguista"-. Destacou, posteriormente, no ámbito empresarial.

Pintura mural que cobre parte da parede e teito da Aula Magna da actual Facultade de Química. Ten dúas escenas: unha na parede e outra no teito. De gran calidade formal, destacan as atmosferas evanescentes.

Debuxo da sección en escala 1/100 da Facultade de Ciencias (actual Química) da Universidade de Santiago de Compostela

Debuxo do anteproxecto das residencias de estudantes da Universidade de Santiago no Campus Sur. Escala 1/ 1500